Թենիսում էթիկայի չափանիշների պահպանման կոմիտեն հայտարարել է, որ վերջին 10 տարիների ընթացքում լավագույն 50 թենիսիստների թվին պատկանող 16 մարզիկ մեկ անգամ չէ, որ մասնակցել են պայմանավորված հանդիպումների։ Այս մասին հայտնում է BBC-ն՝ հղում անելով իրենց մոտ գտնվող փաստաթղթերը։ Քննությունը սկսվել է թենիսիստներ Նիկոլայ Դավիդենկոյի և Մարտին Վասալյո Արգուելյո խաղից։ 2007-ին կայացած քննությունից հետո թենիսիստներից հանվել էին բոլոր մեղադրանքները, սակայն ATP-ը սկսել է ավելի լայնամասշտաբ քննություն՝ պայմավորված հանդիպումներ ի հայտ բերելու նպատակով։ Արդյունքում հայտնի է դարձել Ռուսաստանի, Իտալիայի հյուսիսի և Սիցիլիայի բուքմեյքերական ընկերությունների խարդախությունների մասին։ Ընկերությունները հարյուր հազարավոր ֆունտ սթերլինգ են վաստակել պայմանավորված հանդիպումներին խաղադրույքներ կատարելով։ Նշվում է, որ այդ հանդիպումներից 3-ը անցկացվել են «Ուիմբլդոն» հեղինակավոր մրցաշարի շրջանակներում։ Ընդհանուր առմամբ, նշվում է 28 թենիսիստի անուն, ովքեր, հնարավոր է, մասնակցել են պայմանավորված հանդիպումների։