Ամերիկյան հատուկջոկատայիններն Իրաքի Կիրկուկ նահանգում գերի են վերցրել ԴԱԻՇ առաջնորդներից մեկին` Աբու Օմար աշ-Շիշանիին: Այս մասին հայտնում է ТАСС-ը:
Հատուկջոկատայինները գերի են վերցրել դաշտային 2 հրամանատարի և ոչնչացրել 7 գրոհայինի:
Նշենք, որ լրատվամիջոցներում մի քանի անգամ տեղեկատվություն էր տարածվել աշ-Շիշանիի սպանության մասին, սակայն այդ տեղեկատվությունն ամեն անգամ հերքվում էր:
Աբու Օմար աշ-Շիշանին` Թարխան Բաթիրաշվիլին, ծնվել է 1986թ., Պանկիսի կիրճի գյուղերից մեկում: Ծառայել է վրացական բանակում, ձերբակալվել է ապօրինի զենք կրելու համար: 2012-ին մեկնել է Թուրքիա, մասնակցել է Սիրիայում և Իրաքում անցկացված ռազմական գործողություններին և դարձել ԴԱԻՇ հրամանատարներից մեկը: