Այսօր արցախյան պատերազմի հերոս, ազատամարտիկ, ԼՀՂ ''Մարտական խաչ'' 1-ին աստիճանի շքանշանակիր Վարդան Ստեփանյանի (Դուշման Վարդան) ծննդյան օրն է:
''Ես կոմունիստ չեմ, ոչ էլ հնչակ կամ դաշնակ: Ես զինվորն եմ իմ երկրի'',-ասում էր Վարդանը, ով առանձնանում էր իր հայրենասիրությամբ, բարոյական սկզբունքներով, գրագետ գործունեությամբ:
''Վարդանը չէր սիրում դատարկ հայրենասեր երևալ, նրանից երբեք չէինք լսի Սասունն ու Տարոնն ազատագրելու մասին կոչեր'',- ասում են մարտական ընկերները:
Վարդան Ստեփանյանը ծնվել է 1966թ. մարտի 9-ին Երևանում: 1984 թ. զորակոչվել է Խորհրդային բանակ և մասնակցել Աֆղանստանի կռիվներին: Արցախյան պայքարի առաջին իսկ օրերից Դուշմանը նետվել է պայքարի դաշտ` մասնակցելով Երասխավանի, Շահումյանի, Մարտակերտի, Ասկերանի շրջանների ինքնապաշտպանական կռիվներին:
Զոհվել է 1992թ. հուլիսի 3-ին: