Սիրիայի կենտրոնական հատվածում ԻՊ ահաբեկիչ-զինյալները զանգվածային սպանություններ են կազմակերպել: Ինչպես գրում է «Լենտա»-ն, զինյալները հարձակվել են Ալ-Ամիրիա ավանի վրա՝ մահապատժի ենթարկելով 45 խաղաղ բնակչի:
Աղբյուրը նշում է, որ Ալ-Ամիրիա ավանը գտնվում է հնագույն Պալմիրա քաղաքից 3 կմ հեռավորության վրա, որի համար կատաղի պայքար է ընթանում 3 օր շարունակ:
Պալմիրա քաղաքի ավերակները գրանցված են ՅՈՒՆԵՍԿՕ-ի համաշխարհային ժառանգության ցանկում:
Ավելի վաղ՝ մայիսի 14-ին, ԻՊ ահաբեկիչները սիրիական Պալմիրա քաղաքի մերձակայքում 26 անձանց էին մահապատժի ենթարկել՝ կասկածելով նրանց սիրիական ռեժիմի հետ համագործակցության մեջ: