Եթե երեխան չի քնում ցերեկը
 Խնդիրը մեկնաբանում է մանկական հոգեբան, հոգեբանական գիտությունների թեկնածու, զարգացման հոգեբանության թեմայով գիտական հոդվածների հեղինակ Սվետլանա Կոնստանտինովան: ''Առաջին հերթին,- նշում է մասնագետը,- ոչ բոլոր երեխաներն ունեն ցերեկային քնի պահանջ: Շատ բան կախված է նյարդային համակարգի տեսակից, երեխայի խառնվածքից, նրանից, թե որքան է հոգնում` շարժվելով ու քայլելով: Եթե երեխան չի ցանկանում քնել ցերեկը, բայց լավ քնում է գիշերը, ավելի լավ է չստիպել նրան ու չքնացնել ցերեկային ժամերին: Դրա փոխարեն նրա համար հետաքրքիր գրքեր կարդացեք կամ խաղացեք: 2,5 տարեկանից բարձր երեխաները կարող են ինքնուրույն իրենց համար որևէ զբաղմունք գտնել'': Հոգեբանը նշել է նաև, որ ծնողներին խորհուրդ չի տրվում երեկոյան աշխույժ խաղեր կազմակերպել, որպեսզի երեխան կարողանա հանգիստ քնել: |
