Մամուլում տեղեկություններ են տարածվել, թե Գյումրու քաղաքապետ Վարդան Ղուկասյանը որքան էլ վրդովված է, նեղացած ու մտահոգ, հույսը չի կորցնում, որ, այնուամենայնիվ իրեն թույլ կտան առաջադրվել որպես քաղաքապետի թեկնածու:
Մեկ այլ խոսակցությունների համաձայն` եթե ոչինչ չստացվի, Ղուկասյանին պատգամավոր դարձնելու հեռանկարներ էլ կան: Ասում են` այդպես կանեն, որ սիրտը չկոտրեն: Պատգամավոր դառնալու կամ Վարդան Ղուկասյանի այդ հնարավոր ցանկություններից նրա մամուլի խոսնակը տեղյակ չէ, ավելին, հայտնեց, որ իր համար նորություն է այդ լուրը: ''Հայտնի չէ, չգիտեմ` ով է տարածել ու ինչի հիման վրա է տարածել…ես այդպիսի ինֆորմացիայի չեմ տիրապետում'',- մեր թղթակցի հետ զրույցում ասաց Լիլիթ Աղեկյանը: