Բողոքի ակցիայի մասնակիցների մի մասը երթով շարժվեց Գլխավոր դատախազության շենքի մոտ` իրենց բողոքն արտահայտելու և պահանջելու, որպեսզի դատախազությունը Վճռաբեկ բողոք ներկայացնի Վերաքննիչի որոշման հետ կապված: Ակտիվիստների մյուս մասը շարունակում է մնալ հյուրանոցի դահլիճում: Նրանց խոսքով՝ նման վարքագծով փորձում են միջազգային հանրությանը ցույց տալ ՀՀ քաղաքացիների վերաբերմունքն ու դիրքորոշումը նրա անձի նկատմամբ:
Դատախազության մուտքի մոտ են մարտի 1-ի զոհերի հարազատներն ու ակտիվիստները: Գոռ Քլոյանի հայրը` Սարգիս Քլոյանն ասաց. «Մենք ակնկալում ենք Ռ. Քոչարյանի ցմահ ազատազրկումը, քանի որ նա մարդասպան է»:
