ՀՔԾ պետ Սասուն Խաչատրյանը «Հ1»-ի եթերում անդրադարձավ հայտնի 0038 խիստ գաղտնի հրամանին: «Գաղտնի փաստաթղթի մասին առաջին հիշատակումները եղան մամուլով, արտահոսք էր տեղի ունեցել որոշ ժամանակ անց: Դրանով հիմնավորվում էր, որ իրադարձություններին մասնակցել են զինված ուժերը: Այս արտահոսքի համար 2 բարձրաստիճան պաշտոնյաներ պատժվել են:
Այն ի սկզբանե կցված չի եղել քրեական գործում: Քրեական գործում հայտնվել է այս տարվա հուլիսին միայն»:
Նա նաև հատվածներ կարդաց որոշման տեքստից. «ՀՀ ՊՆ զինված ուժերի գլխավոր հրամանատարներին, բարձրաստիճան սպաներին և այլն՝ ստեղծել բարձր շարժունակությամբ, բարդ իրավիճակում արդյունավետ գործելու ունակ հավաքական ստորաբաժանումներ՝ 100-ական հոգի, յուրաքանչյուր դասակում 30-ական հոգի, և նրանց զինել հրաձգային զենքերով: Եվ հրամայվել է նաև այս ստորաբաժանումները համալրել առավել պատրաստված, հոգեբանորեն կայուն զինծառայողներով, զինել հրաձգային զենքերով»: