Ուզբեկստանի մայրաքաղաք Տաշքենդում ընթանում է ծանրամարտի երիտասարդական աշխարհի առաջնությունը, որին Հայաստանը ներկայացնում է 3 ծանրորդ։ Այսօր պայքարի մեջ մտավ 77 կգ քաշային Ռաֆիկ Հարությունյանը։ Մեր ծանրորդը, պոկելով 145 կգ և հրելով 179 կգ, երկամարտի 324 կգ արդյունքով զբաղեցրեց 3-րդ տեղը՝ նվաճելով բրոնզե մեդալ։
Պոկում վարժությունում մեր ծանրորդը, հաջող կատարելով 2 մոտեցում, 4-րդն էր, իսկ հրում վարժությունում, հաջող կատարելով 2 մոտեցում՝ 2-րդը։ Այս քաշային կարգի հաղթող դարձավ Լատվիայի ներկայացուցիչ Սուհարես Ռիտվարսը՝ երկամարտի 336 կգ արդյունքով, արծաթե մեդալ նվաճեց Իրանը ներկայացնող Սոլթանի Հոսեյնին՝ երկամարտի 326 կգ արդյունքով։