Հունիսի 28-ին գողություն է կատարվել կալանքի տակ գտնվող Մանվել Գրիգորյանի` Արշալույս գյուղում գտնվող հայրական տնից: Տեղեկատվությունը MAMUL.am-ի թղթակցի հետ զրույցում հաստատեց ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը:
Ըստ ահազանգի, անհայտ անձինք՝ օգտվելով առնձնատանը մարդկանց բացակայությունից, տեխնիկական միջոցների գործադրմամբ պոկել են պատուհանի ճաղավանդակը և մուտք գործել Արշալույս գյուղում գտնվող Մանվել Գրիգորյանի հայրական տուն:
Դեպքի կապակցությամբ նախապատրաստված նյութերը ՀՀ քննչական կոմիտեում են: