Երևան քաղաքի Ընդհանուր իրավասության դատարանի Շենգավիթի նստավայրում շարունակվում է «Սասնա ծռեր»-ի գործով դատական նիստը։
Այս պահին դատարանն ընդմիջում է հայտարարել՝ քննելու համար Պավլիկ Մանուկյանի որդու՝ Արամ Մանուկյանի խափանման միջոց կալանքը:
Նշենք, որ Արամ Մանուկյանի փաստաբան Ինեսսա Պետրոսյանը դատարանին է ներկայացրել 9 պատգամավորների անձնական երաշխավորագրերը՝ նրա խափանման միջոցը փոխելու համար։
Դատավորը հայտարարել է ընդմիջում, որպեսզի պաշտպաններն ապահովեն երաշխավոր պատգամավորների ներկայությունը դատարանում:
Հիշեցնենք նաև, որ այսօր ազատ է արձակվել «Սասնա ծռեր»-ի անդամներից Արամ Հակոբյանը: