Վարչապետ Նիկոլ Փաշինյանը երկօրյա պաշտոնական այցով ժամանել է Վրաստան:
Գեորգի Կվիրիկաշվիլիի նստավայրում քիչ առաջ տեղի ունեցավ հայ պատվիրակության ընդունելություն:
Նիկոլ Փաշինյանին ուղեկցում են Կառավարության մի շարք անդամներ` այդ թվում պաշտպանության և արտաքին գործերի նախարարներ Դավիթ Տոնոյանը և Զոհրաբ Մնացականյանը, փոխվարչապետ Տիգրան Ավինյանը:
Հայաստանի վարչապետը պաշտոնական հանդիպումներից առաջ նախ Հերոսների հրապարակում ծաղկեպսակ դրեց Անմար կրակի մոտ:
Երեկոյան արդեն Փաշինյանը և Կվիրիկաշվիլին մասնակցելու են Հայաստանի Առաջին Հանրապետության 100-ամյակին նվիրված միջոցառմանը:
Հայաստանի վարչապետն այսօր կհանդիպի նաև Վրաստանի նախագահի և խորհրդարանի խոսնակի հետ:
Ծրագրված է այցելություն Խոջիվանք հայկական գերեզմանատուն, Սուրբ Գևորգ հայկական եկեղեցի, հանդիպումներ հայ համայնքի ներկայացուցիչների, վրացահայ և վրացի գործարարների հետ: