Քանաքեռ-Զեյթուն համայնքի թիվ 16 պոլիկլինիկայի տնօրենն ազատվել է աշխատանքից: Այս մասին այսօր հայտարարեց «Ելք» խմբակցության ղեկավար Դավիթ Խաժակյանը:
Հիշեցնենք՝ այսօր Դ. Խաժակյանը տեղեկացրել էր, որ թիվ 16 պոլիկլինիկայում իրավիճակը լարված է: Բուժաշխատողները դիմել էին «Ելք» խմբակցությանը՝ ահազանգելով բուժհաստատությունում չարաշահումների մասին: Նրանք ստորագրահավաք էին իրականացրել և դիմել քաղաքապետին՝ տնօրենի իրենց թեկնածուին ժամանակավոր պաշտոնակատար նշանակելու նպատակով, ինչը մերժվել էր: