Ուռենիների պուրակը ոչնչացված է. ինչ բացատրություն է տալիս քաղաքապետարանը
Երևանում, Իտալիայի փողոցի վրա գտնվող Ուռենիների պուրակը ոչնչացված է: Բազմաթիվ ուռենիներ, հուդայածառեր, այլ գեղեցիկ ծառեր արմատախիլ են արվել, տարածքը վերածվել է շինհրապարակի: Համացանցի օգտատերերն իրենց վրդովմունքն են արտահայտում այս փաստի կապակցությամբ՝ գրառումներին կցելով #Քայլ_արա_մերժիր_Տարոնին , Ուռենիների պուրակը ոչնչացված է Անդրադառնալով քաղաքացիների զայրույթին՝ Երևանի քաղաքապետարանն անդրադարձել է խնդրին ու ներկայացրել իր բացատրականը: «Հարգելիʹ համաքաղաքացիներ, Ավելորդ չենք համարում հիշեցնել, որ դեռևս նախորդ տարվա դեկտեմբերին, Երևանի ավագանու որոշմամբ, հավանություն է տրվել Երևան քաղաքի Ա. Մյասնիկյանի արձանի հետնամասում գտնվող Իտալիայի, Բեյրութի, Խորենացու և Գ. Լուսավորչի փողոցների սահմաններով պարփակված այգին «Վարդանյան ընտանիք» բարեգործական հիմնադրամի կողմից բարեկարգելու առաջարկին, որը կնվիրվի Երևան քաղաքի հիմնադրման 2800-ամյակին: «Վարդանյան ընտանիք»-ի հետ ձեռքբերված պայմանավորվածության համաձայն այգում կարգելվի որևէ առևտրային գործունեության իրականացումը: «Վարդանյան ընտանիք» բարեգործական հիմնադրամը պարտավորվել է շինարարական և բարեկարգման աշխատանքներն ավարտել 2018 թվականի սեպտեմբերին»,- ասվում է քաղաքապետարանի հայտարարության մեջ: Ուռենիների պուրակի նախկին տեսքը կարող եք դիտել 360stories.com կայքում: |