Միջազգային

Այսօր Սոչիում մեկնարկած հանդիպման արարողակարգային մասի ժամանակ ՀՀ վարչապետ Նիկոլ Փաշինյանը շնորհակալություն հայտնեց ռուսական կողմին և ընդգծեց հայ-ռուսական հարաբերությունների ռազմավարական նշանակությունը: Նիկոլ Փաշինյանը ՌԴ նախագահ Վլադիմիր Պուտինին հայտնեց, որ հույս ունի զարգացնել երկու երկրների հարաբերություններն ինչպես քաղաքական, այնպես էլ տնտեսական առումով, ինչպես նաև համագործակցությունը ռազմատեխնիկական ոլորտում:

«Բարձր եմ գնահատում հայ-ռուսական երկկողմ հարաբերությունները: Մենք կշարունակենք խորացնել այդ հարաբերությունները Հայաստանի ներքաղաքական ճգնաժամից հետո: Թույլ տվեք ևս մեկ անգամ շնորհավորել Ձեզ անցած տոների կապակցությամբ, հետաքրքրիր էր հետևել Կարմիր հրապարակում անցկացված շքերթին: Մենք շատ տպավորված ենք այն ձեռքբերումներով, որոնք այժմ ունի ռուսական ռազմաարդյունաբերական համալիրը»,- նշեց ՀՀ վարչապետը:

Նշենք, որ լրագրողները մասնակցել են միայն արարողակարգային նկարահանմանը: Առանձնազրույցը շարունակվում է փակ դռների հետևում: