Նիկոլ Փաշինյանը ներկայացրեց քաղաքացիական անհնազանդության զանգվածային գործողությունների ծրագիր, որն, ըստ պատգամավորի, պիտի իրականացնեն քաղաքացիները: «Վաղը առավոտյան 08:15 րոպեից պետք է սկսվեն անհնազադությունները, դրանք պետք է անեք դուք, սիրելի հայրենակիցները, ընդ որում՝ դրանք որևէ մեկին որևէ վնասի կամ ռիսկի չեն ենթակում: Առավոտ վաղ սկսում ենք կամուրջների արգելափակման գործընթացը: Ասեմ՝ ոնց, մարդիկ քայլում են, օրինակ, Դավիթաշենի կամրջի վրայով ու մեքենան հանկարծ «փչանում է»: Նրանք վթարայինները միացնում են, մեքենան փակում ու քայլում դեպի Բաղրամյան պողոտա, ճանապարհին բոլորին զգուշացնում են, որ հավաքվում են Ազգային ժողովի դիմաց»,- ասաց նա: «Այս փոքր անհարմարությունները ձեզ պատճառում ենք ավելի մեծ անհարմարությունից ազատելու համար, և այդ անհարմարության անունն է Սերժ Սարգսյան»:
Անհնազանդության քայլերը՝ տեսանյութում: