Ծանրամարտի Հայաստանի հավաքականի երկրորդ մարզիչ, հակադոպինգային կանոնները խախտելու համար կասկածվող Սոնա Պողոսյանի անձնական մարզիչ Արման Ղազարյանն ապրիլի 9-ին հոսպիտալացվել է «Արմենիա» ԲԿ։ Նրա մոտ ախտորոշվել է գանգուղեղային վնասվածք, կրծքավանդակի և թոքերի սալջարդ։ Մարզչի վիճակը գնահատվում է միջին ծանրության։ MAMUL.am-ի թղթակցի տեղեկություններով՝ Ղազարյանն ընկել է Կոտայքի մարզի Քասախ գյուղում գտնվող իր առանձնատան 2-րդ հարկից, որը կառուցման փուլում է։ Նա եղել է հարբած վիճակում, ինչն էլ, հարազատների փոխանցմամբ, փրկել է նրա կյանքը։