Ռուսական С-400 զենիթահրթիռային համակարգերը Թուրքիա կմատակարարվեն 2019թ. հուլիսից: Այս մասին ռուս-թուրքական խորհրդի նիստից հետո հայտարարել է Թուրքիայի պաշտպանական արդյունաբերության քարտուղարության փոխնախագահ Իսմայիլ Դեմիրը, փոխանցում է РИА Новости-ն:
Նրա խոսքով՝ ՌԴ նախագահ Վլադիմիր Պուտինն ու Թուրքիայի նախագահ Ռեջեփ Էրդողանը համաձայնել են արագացնել С-400-ների մատակարարման ժամկետները:
Դեմիրը Twitter-ի իր էջում գրել է, որ մատակարարումները տեղափոխվել են ավելի վաղ ժամկետ՝ 2019թ. հուլիս:
Հիշեցնենք՝ Էրդողանի հետ հանդիպման ժամանակ Պուտինը հայտարարել էր, որ Ռուսաստանի համար «առաջնահերթ» նշանակություն ունի Թուրքիայի հետ ռուսական С-400 զենիթահրթիռային համակարգերի մատակարարման շուրջ համաձայնագրի իրականացումը: