Ֆրանսիայի իշխանությունները որոշել են զորքեր ուղարկել սիրիական Մանբիջ քաղաք՝ քուրդ զինյալներին օգնելու համար, հաղորդում է РИА Новости-ն՝ հղում անելով Parisien պարբերականին:
Պարբերականը նշում է, որ երեկ Փարիզում կայացել է «Սիրիական ժողովրդավարական ուժերի» (SDF) պատվիրակության և Ֆրանսիայի նախագահ Էմանուել Մակրոնի հանդիպումը:
Պատվիրակության ներկայացուցչի խոսքով՝ Ֆրանսիան մտադիր է մոտ ժամանակները Մանբիջ ուղարկել ֆրանսիական բանակի հատուկ նշանակության ուժերի ստորաբաժանումներին: Դրանց թիվը չի նշվում:
Հաղորդվում է նաև, որ ռազմական գործողությունները կհամաձայնեցվեն ամերիկացի զինվորականների հետ:
Ավելի վաղ Թուրքիայի ազգային անվտանգության խորհուրդը պահանջել էր Մանբիջից շուտափույթ դուրս բերել քրդական ուժերին: