Արցախի Հանրապետության արտաքին գործերի նախարարությունն, անդրադառնալով Նիդերլանդների խորհրդարանի կողմից Հայոց ցեղասպանության ճանաչմանը, հայտարարել է.
«Բարձր ենք գնահատում Նիդերլանդների խորհրդարանի կողմից ընդունված որոշումը, որով երկրի օրենսդիր մարմինը վերահաստատում է 1915թ. Հայոց ցեղասպանության ճանաչման մասին իր դիրքորոշումը:
Այս քայլը ևս մեկ ձայն է ի սատարումն միջազգային հանրության՝ անպատժելիության դեմ պայքարին և ապագայում նման հանցագործությունների կանխմանն ուղղված ջանքերին»:
Հիշեցնենք՝ փետրվարի 22-ին Նիդերլանդների Ներկայացուցիչների պալատը վերահաստատել էր Հայոց ցեղասպանության ճանաչումը։