Իրադարձություններ

Այսօր Երևանի ավագանու նիստին «Երկիր ծիրանի» խմբակցության անդամներն իրենց հետ Նուբարաշենից տարաներով կոյուղաջուր էին բերել քաղաքապետարան:

Խմբակցության անդամ Մարինա Խաչատրյանը, երբ ցանկանում էր հոտած ջուրը տալ Տարոն Մարգարյանին, ՀՀԿ-ականները փորձեցին արգելել, սակայն ջուրը թափվեց Տարոն Մարգարյանի սեղանին:

ՀՀԿ խմբակցության անդամները հարձակվեցին «Երկիր ծիրանի» անդամների վրա: Քաշքշուկ և ծեծկռտուք սկսվեց նրանց միջև, այդ ընթացքում ՀՀԿ-ականներից ոմանք հասցրեցին նույնիսկ մի քանի ապտակ տալ Մարինա Խաչատրյանին:

Ընդմիջում հայտարարվեց, որպեսզի շտկեն իրավիճակը:

Հրավիրվեցին ոստիկաններ, նրանք փորձում էին դուրս հանել «Երկիր ծիրանիի» անդամներին: