Արարատյան Հայրապետական թեմի երիտասարդների նախաձեռնությամբ փետրվարի 11-ին Երևանի քաղաքապետարանի և ՀՀ մշակույթի նախարարության հետ համատեղ կրկին կնշվի Բուն Բարեկենդանը:
Ավանդական շքեղ տոնը վերականգնվում է. Բուն Բարեկենդանը կրկին դառնում է սպասված ու մեծ տոն, որի ժամանակ մեծն ու փոքրը, հարսն ու սկեսուրը, ղեկավարն ու ենթական հավասարվում են, որտեղ կյանքի դիմակները դառնում են տոնական: Մեծ Պահքից առաջ ժամանակն է ուրախանալու, լիցքաթափվելու և հայկական ջերմությամբ լիցքավորվելու, հայտնում է Արարատյան Հայրապետական թեմը:
Իսկ մինչ այդ փետրվարի 7-ին՝ ժամը 12-ին, Արարատյան Հայրապետական թեմի առաջնորդարանում կներկայացվի տոնի խորհուրդը: