Թուրքիան ձգտում է Ալեքսանդրետի սանջակ (Ալեքսանդրետ քաղաքին հարող մարզի նախկին անվանումը, Օսմանյան կայսրության պատմական շրջանը) ստեղծել Սիրիայի հյուսիսում ռազմական գործողությունների անցկացման միջոցով: Այս մասին РИА Новости-ին ասել է քրդական ինքնապաշտպանության ստորաբաժանումների ներկայացուցիչ Նուրի Մահմուդը:
«Այժմ նրանք պատրաստվում են թուրքական բազաներ հիմնել, և դա կլինի ծրագիր՝ Ալեքսանդրետի սանջակի նմանությամբ»,- ասել է Մահմուդը:
Նրա խոսքով՝ թուրք զինվորականները տեղակայված են սիրիական Աազազ, Էլ Բաբ և Ջարաբլուս քաղաքներում: Թուրքիան 2016 և 2017թթ. այդ շրջաններում սիրիական ընդդիմության հետ ԴԱԻՇ ահաբեկչության դեմ գործողություններ է իրականացրել:
Նշենք, որ սիրիական կառավարությունը վճռականորեն քննդատում է Աֆրինում Թուրքիայի գործողությունները՝ նշելով, որ այն Սիրիայի անբաժանելի մասն է:
Ավելի վաղ Թուրքիան ներկայացրել էր Աֆրինի ուղղությամբ հասցրած ավիահարվածների հետևանքները: