ՀՀԿ խոսնակ Էդուարդ Շարմազանովը, պահպանելով ինտրիգը, գործադիր մարմնի նիստից հետո հայտարարեց, որ քննարկել են ՀՀ 4-րդ նախագահի իրենց թեկնածուի հարցը, որին առաջադրել է Սերժ Սարգսյանը: Նրա անունը կհրապարակվի վաղը: «Սենսացիոն որևէ բան չկա, նա այն թեկնածուն է, ում շատերն այս օրերին հավանական են համարել. ունի լուրջ ծառայություններ Հայաստանի առջև»,- ասել է Շարմազանովը:
Իսկ այս օրերին, որպես ՀՀ ապագա նախագահի ամենահավանական թեկնածու, քննարկվում է Մեծ Բրիտանիայում ՀՀ արտակարգ և լիազոր դեսպան, ՀՀ նախկին վարչապետ Արմեն Սարգսյանի անունը: Մինչ այդ շրջանառվում էր Էդվարդ Նալբանդյանի անունը: