Թուրքիայի նախագահ Էրդողանը հայտարարել է, որ թուրքական բանակը կարող է մեկ շաբաթվա ընթացքում գործողություններ սկսել սիրիական քրդերի տարածքում՝ Մանբիջի և Աֆրինի շրջաններում, հայտնում է NTV-ն:
«Մանբիջում, եթե մեզ տված խոստումները չկատարվեն, կտեսնեն՝ ինչ կանենք»,- ասել է Էրդողանը:
Նշվում է, որ Անկարան անդադար քննադատում է Վաշինգթոնին՝ սիրիական քրդերին ցուցաբերած ռազմական աջակցության համար, որոնց Թուրքիան ահաբեկչական կազմակերպություն է համարում:
Ավելի վաղ Անկարան խոստացել էր Մոսկվայի հետ համաձայնեցնել սիրիական քրդերի դեմ հնարավոր գործողությունները: