Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլիի բնակարանում իրավապահները խուզարկություն են անցկացրել: Խուզարկության ժամանակ Սաակաշվիլին բարձրացել է 8-հարկանի տան տանիք և սպառնացել ցած նետվել: Այս մասին հայտնել է ուկրաինական «1+1» հեռուստաալիքի նորությունների ծառայությունը:
Սաակաշվիլիի կողմնակից Դավիթ Սաքվարելիձեն հայտնել է, որ անհայտ անձինք կոտրել են Կիևում Սաակաշվիլիի բնակարանի դուռն ու խուզարկում են անցկացրել, իսկ այդ ընթացքում Սաակաշվիլին տանիքին բանակցություններ է վարել իրավապահների հետ: Սաակաշվիլին սպառնացել է իրավապահների մոտենալու դեպքում ցած նետվել:
Նորությունների ծառայության հաղորդմամբ՝ Սաակաշվիլիի տան մոտ փրկարարներ և բժիշկներ են հավաքվել: Նրա կողմնակիցներից մեկին հոսպիտալացրել են ձեռքի և ոտքի կոտրվածքով: