Եգիպտոսի Սինայ թերակղզու հյուսիսում գտնվող ալ-Արիշ քաղաքում մզկիթներից մեկում տեղի ունեցած ահաբեկչության հետևանքով զոհերի թիվը հասել է 155-ի, ևս 120 մարդ վիրավոր է: Այս մասին հայտնել է եգիպտական պետական հեռուստատեսությունը:
Ուրբաթօրյա աղոթքի ժամանակ ահաբեկիչները գործի էին դրել պայթուցիկ սարքը, ապա կրակ բացել շենքից փախչող մարդկանց ուղղությամբ: Կան նաև տեղեկություններ այն մասին, որ ահաբեկիչները կրակ են բացել նույնիսկ շտապօգնության մեքենաների ուղղությամբ, որոնցով պայթյունի վայրից տեղափոխվել են վիրավորները:
Հայտնի է նաև, որ վիրավորների շրջանում մեծ թվով երեխաներ կան:
Եգիպտոսի նախագահը դեպքից հետո արտակարգ նիստ է հրավիրել: Անվտանգության ուժերը շրջափակել են պայթյունի տարածքն ու փնտրում են հանցագործներին: