ԱՄՆ նախագահ Դոնալդ Թրամփը նախօրեին հայտարարել է, որ Եմենից Սաուդյան Արաբիայի ուղղությամբ հրթիռի արձակման համար մեղավոր է Իրանը:
«Իմ կարծիքով՝ Իրանը հարձակում է իրականացրել Սաուդյան Արաբիայի վրա: Դուք գիտե՞ք այդ մասին: Դուք տեսել եք, որ հրթիռ է արձակվել, իսկ մեր համակարգերը խոցել են այն»,- Տոկիոյի ճանապարհին՝ օդանավում, լրագրողների հետ զրույցի ժամանակ ասել է Թրամփը:
Ավելի վաղ հայտնի է դարձել, որ Սաուդյան Արաբիայի ՀՕՊ ուժերը Էռ Ռիադի հյուսիս արևելքում բալիստիկ հրթիռ են ոչնչացրել: Լրատվականների հաղորդմամբ՝ այն արձակել են Եմենի հուսիթ ապստամբները: