Մադրիդում սկսվել է կառավարության արտակարգ նիստը, որի ընթացքում կքննարկվի իսպանական սահմանադրության 155-րդ հոդվածի կիրառումը, որը ենթադրում է Կատալոնիայի ինքնավարության սահմանափակումը:
Հոդվածի կիրառման դեպքում ինքնավարության ղեկավարությունը կարող է հեռացվել իշխանությունից, իսկ տարածաշրջանի ղեկավարումը կանցնի Մադրիդին: Դրանից հետո Կատալոնիայում ընտրություններ կանցկացվեն:
Հիշեցնենք, որ հոկտեմբերի 1-ին Կատալոնիայում անկախության հանրաքվե տեղի ունեցավ, որի ժամանակ տարածաշրջանի բնակիչների 90%-ը կողմ քվեարկեց Իսպանիայից առանձնացմանը: