Ալբանիայի Դուրես քաղաքում ավարտին մոտեցող ծանրամարտի Եվրոպայի երիտասարդական առաջնության շրջանակներում այսօր մրցահարթակ դուրս եկան գերծանր քաշային մինչև 20 տարեկան ծանրորդուհիները։ Այս քաշային կարգում Հայաստանը ներկայացնող Արփինե Դալալյանը նվաճեց ոսկե մեդալ:
Արփինեն, պոկելով 97 կգ և հրելով 131 կգ, երկամարտում գրանցեց 228 կգ արդյունք: Նա ընդամենը 2 կգ-ով առաջ անցավ Լեհաստանը ներկայացնող Մագդալենա Կարոլակից, ով երկամարտում 226 կգ էր գրանցել: Բրոնզե մեդալ նվաճեց Թուրքիան ներկայացնող Մելիք Գունալը՝ երկամարտի 196 կգ արդյունքով: