Սոմալիի մայրաքաղաք Մոգադիշոյում պայթյունի հետևանքով 85 մարդ է զոհվել, ավելի քան 60-ը վիրավոր է, հաղորդում են տեղի ԶԼՄ-ները: Ավելի վաղ հաղորդվել է 53 զոհի մասին:
Շաբաթ օրը քաղաքի մարդաշատ փողոցներից մեկում Safari հյուրանոցի մոտակայքում ականապատված մեքենա է պայթեցվել: Ոստիկանության կարծիքով՝ ահաբեկչության թիրախը հենց հյուրանոցն էր:
Երկրում եռօրյա սուգ է հայտարարվել: Տեղի իշխանությունները չեն բացառում, որ զոհերի թիվը կարող է աճել:
Ոստիկանությունն ահաբեկչության համար պատասխանատու է համարում տեղի «Աշ-Շաբաբ» խմբավորմանը: