Հոկտեմբերի 10-ին
հակառակորդի կողմից արձակված կրակոցից մահացու հրազենային վիրավորում ստացած
շարքային Չապլին Արմենի Մարգարյանն Արմավիրի մարզի Արմավիր գյուղից էր:
MAMUL.am լրատվականի թղթակցի հետ զրույցում Արմավիրի համայնքապետ Ռաֆիկ Մարգարյանն ասաց, որ Չապլինը ծառայության էր զորակոչվել հունվարին: «Շատ լավ ընտանիքից էր, շատ լավ երեխա էր, սպորտսմեն տղա էր, թե դպրոցում էր հարգված, թե գյուղում: Շատ ափսոս: Նաև նվիրված զինվոր էր: Այս 8-9 ամսվա ընթացքում բազմաթիվ անգամներ խրախուսվել է ղեկավարության կողմից, արձակուրդ են տվել, եկել է տուն»,- ասաց Ռաֆիկ Մարգարյանը:
Զոհված զինծառայողն ունի նաև երկու եղբայր, որոնցից մեկն՝ անչափահաս: Ծնողներն ամուսնալուծված են, երեխաները հոր խնամքի տակ են գտնվում: