Թուրքիայում ԱՄՆ դեսպան Ջոն Բասը հայտարարել է, որ թուրք քաղաքացիների համար
վիզաների տրամադրման վերսկսումը կախված է երկկողմ բանակցությունների արդյունքներից: Այս մասին ասվում է Անկարայում ամերիկյան դեսպանատան կայքում, փոխանցում է Lenta.ru-ն:
«Մենք հուսով ենք, որ դա երկար չի տևի, սակայն մենք չենք կարող ասել, թե որքան ժամանակ կպահանջվի հարցի լուծման համար»,- ասվում է հայտարարության մեջ:
Հայտարարության մեջ նշվում է նաև, որ թուրք քաղաքացիների համար վիզաների տրամադրման դադարեցումը չի նշանակում, որ արգելվում է նրանց մուտքն ԱՄՆ: