Սաուդյան Արաբիան համաձայնել է Ռուսաստանից С-400 զենիթահրթիռային համակարգեր գնել, փոխանցում է Al Arabiya հեռուստաալիքը:
Նման համաձայնության երկու երկրները հասել են Մոսկվա Սաուդյան Արաբիայի թագավորի այցի շրջանակներում: Հոկտեմբերի 5-ին Մոսկվայում Սաուդյան Արաբիայի թագավոր Սալման բեն Աբդել Ազիզ ալ Սաուդն ու ՌԴ նախագահ Վլադիմիր Պուտինը բանակցություններ են վարել:
Դա Ռուսաստան Սաուդյան Արաբիայի թագավորի առաջին այցն է եղել: Նրանք նաև մի շարք տնտեսական համաձայնագրեր են ստորագրել և պայմանավորվել համագործակցել նավթային համաշխարհային շուկայում կայունության հասնելու համար: