Բարսելոնայի քաղաքապետ Ադա Կոլաուն հայտնել է, որ անկախության հանրաքվեն խանգարել փորձող ոստիկանների հետ բախումների արդյունքում տուժել է առնվազն 460 մարդ: Կատալոնիայի իշխանությունները խորհուրդ են տվել տուժածներին դիմել պաշտոնական բողոքներով:
Իսպանիայի իշխանություններն էլ իրենց հերթին են հայտնել 11 տուժած ոստիկանի մասին: Ըստ ականատեսների՝ ոստիկանները ընտրողներին ցրելու նպատակով կիրառել են ռետինե փամփուշտներ, մահակներ, լուսաձայնային նռնակներ:
Կատալոնիայի իշխանությունները հայտնել են նաև, որ ոստիկաններին չի հաջողվել կանխել հանրաքվեն, այսօր ցերեկն աշխատել են ընտրատեղամասերի 90 %-ը: