«Եվա»-ն կներկայացվի «Օսկար»-ի
14:05, հինգշաբթի, 28 սեպտեմբերի, 2017 թ.
Հայկական ազգային կինոակադեմիան Ամերիկյան կինոակադեմիայի «Օսկար» ամենամյա մրցանակաբաշխության «Լավագույն օտարալեզու ֆիլմ» անվանակարգի համար այս տարի հայկական կողմից կներկայացնի կինոռեժիսոր Անահիտ Աբադի «Եվա» դրաման: Հայալեզու ֆիլմը Հայաստանի և Իրանի համատեղ արտադրություն է: Կինոնկարը նկարահանվել է Հայաստանի ազգային կինոկենտրոնի և «Ֆարաբի» կինոյի հիմնադրամի ֆինանսական աջակցությամբ: «Եվա»-ն կներկայացվի «Օսկար»-ի Ֆիլմում նկարահանվել են Նարինե Գրիգորյանը, Շանթ Հարությունյանը, Մարջան Ավետիսյանը, Ռոզի Ավետիսյանը, Սերգեյ Թովմասյանը, Վրեժ Քասունին, Տիգրան Դավթյանը, Նանոր Պետրոսյանը, Էլենա Ադամյանը, Մարատ Դավթյանը և ուրիշներ։ «Եվա»-ն կներկայացվի «Օսկար»-ի «Կերպարս իրականում շատ պինդ ու կամային կնոջ կերպար է, ով ժամանակին իր բնույթին հակառակ քայլ է անում, որից հետո սկսվում են մեծ սխալները: Հետո նա փախուստի է դիմում: Փախչում է Հայաստանից ու հայտնվում Արցախի սահմանամերձ մի գյուղում, և Եվայի աչքերով բացահայտվում է ամբողջ սահմանամերձ գյուղի կյանքը»,- MAMUL.am-ի թղթակցի հետ զրույցում պատմել է գլխավոր հերոսուհուն` Եվային մարմնավորող Նարինե Գրիգորյանը: |
4570 | 0