Վրաստանի նախկին նախագահ, Օդեսայի նախկին նահանգապետ Միխայիլ Սահակաշվիլին հայտնել է, որ մտադիր է հոկտեմբերի 17-ին Կիևում ելույթ ունենալ ակտիվիստների, հասարակական կազմակերպությունների ու քաղաքական գործիչների հետ՝ ներկայացնելով երեք պահանջներ, գրել է «Գազետա»-ն։
«Մենք վճռել ենք միանալ քաղաքացիական ակտիվիստների նախաձեռնությանն ու հավաքվել Կիևում հոկտեմբերի 17-ին՝ ներկայացնելով երեք պահանջ՝ հակակոռուպցիոն դատարանների ստեղծում, պատգամավորական անձեռնմխելիության չեղարկում, նոր ընտրական օրենքի ընդունում։ Իսկ մնացած պահանջները մենք հավաքելու ենք ամբողջ Ուկրաինայում մինչև հոկտեմբերի 17-ը»,- ասել է Սահակաշվիլին։