Սարի թաղի դեպքերի ժամանակ կալանավորված Անդրիաս Ղուկասյանն այսօր Նուբարաշեն վարչական շրջանների ընդհանուր իրավասության դատարանում հայտարարել է, որ իրեն առաջադրված մեղադրանքում հանցակազմ չկա: «Եկել եմ դատարան, որ ինքս մեղադրեմ: Ստեղծված իրավիճակի համար ո՞վ է պատասխանատու` միայն Հայաստանի իշխանությունները»,- հայտարարել է Անդրիաս Ղուկասյանը:
Հիշեցնենք, որ Անդրիաս Ղուկասյանին մեղադրանք է առաջադրվել ՀՀ քրեական օրենսգրքի 225-րդ հոդվածի 1-ին մասով, այն է` զանգվածային անկարգություններ կազմակերպելը: Անդրիաս Ղուկասյանը բերման է ենթարկվել հուլիսի լույս 30-ի գիշերն իր տան դիմացից, Սարի թաղի ոստիկանական հարձակման հետևանքով վիրավոր վիճակում՝ տաքսուց իջնելիս: