Միջազգային

     Թուրքիայի նախագահ Ռեջեփ Էրդողանը հայտարարել է, որ Թուրքիան ռուսական С-400 զենիթահրթիռային համակարգերի գնման համար առաջին վճարումն է կատարել: Այս մասին հայտնում է թուրքական Hürriyet թերթը: «Մեր ընկերներն արդեն ստորագրել են համաձայնագիրը: Որքանով ես տեղյակ եմ՝ առաջին վճարումն է կատարվել: Պուտինն այդ հարցով վճռական է տրամադրված»,- սեպտեմբերի 10-ին Ղազախստանից վերադառնալիս լրագրողների հետ զրույցում ասել է Էրդողանը:
     С-400 «Տրիումֆ» զենիթահրթիռային համակարգը նախատեսված է ռազմավարական և տակտիկական ավիացիայի ինքնաթիռների, բալիստիկ հրթիռների, գերձայնային թիրախների և օդային հարձակման այլ միջոցների խոցման համար: