Ոստիկանության Հրազդանի բաժին են դիմել Սոլակ գյուղի բնակիչ՝ 27-ամյա Անժելա Մ.-ի հարազատները և հայտնել, որ վերջինը դուրս է եկել տնից և չի վերադարձել:
Shamshyan.com-ի հաղորդմամբ՝ հարազատները ոստիկաններին տեղեկացրել են, որ աղջիկը, ով ունի առողջական խնդիրներ հաճախակի է հայտնել, որ ինքնասպան է լինելու: Ոստիկանները, փրկարարները և աղջկա հարազատներն այսօր որոնողական աշխատանքներ են կատարել և Չարենցավանի վարչական տարածքում գտնվեղ Գյումուշի ջրամբարի ափին հայտնաբերել են աղջկա հողաթափը, իսկ ջրամբարի մեջ` գլխարկը:
Որոնողական աշխատանքներն այս պահին շարունակվում են, մասնակցում է նաև ջրասուզակ։