«Հարվի» փոթորկի պատճառով ամերիկական Հյուսթոն քաղաքը ջրի տակ է անցել: Քաղաքապետ Սիլվեսթեր Թյորները հայտարարել է, որ արդեն ավելի քան 2000 կանչ է արձանագրվել օգնության հասնելու խնդրանքով: Կենտրոնացվել են փրկարարական բոլոր ուժերը: Մարդկանց փրկելու համար կիրառվում են նավակներ:
Հիշեցնենք, որ «Հարվի» փոթորիկը Տեխասը պատուհասել էր օգոստոսի 26-ին՝ դառնալով ամենաուժգինը վերջին 12 տարվա ընթացքում: Ըստ նախնական տվյալների՝ այն խլել է 8 մարդու կյանք: