ԱՄՆ-ի Տեխաս նահանգում մոլեգնել է «Հարվի» փոթորիկը: Փոթորկի պատճառով Արանզաս շրջանում 3 մարդ է մահացել: Այս մասին հաղորդում է Los Angeles Times լրատվականը:
Լրատվականի տվյալներով՝ փրկարարական ջոկատները շարունակում են մաքրել ավերածությունները, հավաքել տապալված ծառերն ու շրջված ավտոմեքենաները:
Չնայած փոթորկի ուժգնությունը թուլացել է, փոթորիկների զգուշացման ամերիկյան ազգային կենտրոնը աղետալի
ջրհեղեղ է կանխատեսել:
«Հարվի»-ն վերջին 12 տարվա ընթացքում ԱՄՆ-ի տարածքում ամենահզոր փոթորիկն է դարձել: Մինչ այդ ամենահզորը համարվում էր «Քաթրին» փոթորիկը: