Թուրքիայի էկոնոմիկայի նախարար Նիհաթ Զեյբեքչին հայտնել է Եվրասիական տնտեսական միության հետ մաքսային համաձայնագիր ստորագրելու՝ Թուրքիայի մտադրության մասին, հայտնում են ռուսական ԶԼՄ-ները: Ելույթ ունենալով Իզմիրի 86-րդ միջազգային տոնավաճառի ժամանակ՝ թուրք նախարարը նշել է, որ Անկարան ցանկանում է համագործակցել ԵԱՏՄ-ի հետ, ընդ որում՝ չխախտելով ԵՄ-ի հետ համաձայնագրը: Ռուսաստանի հետ ազատ առևտրի մասին համաձայնագրից Զեյբեքչին համագործակցության նոր մակարդակ է ակնկալում: «Համագործակցության լայն շրջանակ կա՝ նավթաքիմիա, գյուղատնտեսություն և այլն»,- նշել է թուրք նախարարը: