Հոսնի Մուբարաքը դատապարտվել է ցմահ ազատազրկման
 Եգիպտոսի քրեական դատարանը վճիռ է կայացրել` ցմահ ազատազրկել նախկին նախագահ Հոսնի Մուբարաքին ու ՆԳՆ նախկին նախարար` Հաբիբ ալ-Ալդիին: Դատարանն ապացուցված է համարել նրանց մասնակցությունը 2011թ. սկզբին ժողովրդի շրջանում մասսայական խռովությունների ընթացքում ցուցարարների հանդեպ բռնությունների մեջ: Խռովություններն այդ ժամանակ երկրում հեղափոխություն բերեցին: Այսօրվա նիստը տևել է ընդամենը մի քանի րոպե: Դատավորներն` առանց շատ ձգձգելու, միանգամից անցել են վճռի ընթերցմանը: Հիմա Հոսնի Մուբարաքին տեղափոխում են Տորա բանտի հիվանդանոց: Հենց այստեղ է 84-ամյա քաղաքական գործիչը ստանալու իր պատիժը: Նախկին նախագահի դատապաշտպանները բողոքարկելու են դատարանի որոշումը: Այս մասին այսօր տեղեկացրել է նրա փաստաբաններից մեկը` Յասեր Բահրը: ''Մենք բողոքարկում ենք դատավճիռը,-նշել է նա,- դատավճիռն իրավաբանորեն ճիշտ չէ'': Վճիռը կբողոքարկի նաև գլխավոր դատախազը` դատարանի ''փափուկ'' պատժի կիրառման համար: Մեղադրող կողմը ձգտում է հասնել Բուրգերի երկրի ''վերջին փարավոնի'' մահապատժին: |
