Ինչպես հայտնի է, 2017 թվականի Ազգային ժողովի ընտրությունների ժամանակ թվով 30 դպրոցների և մանկապարտեզների տնօրեններ քաղաքացիական հայցադիմումներ են ներկայացրել դատարան՝ ընդդեմ «Իրազեկ քաղաքացիների միավորման» և դրա համակարգող Դանիել Իոաննիսյանի:
30 տնօրենները, ըստ միանման հայցադիմումների՝ համարում են, որ «Իրազեկ քաղաքացիների միավորումն» ու Դանիել Իոաննիսյանը զրպարտել են իրենց SUT.am կայքում հրապարակված «ՀՀԿ-ն չարաշահում է վարչական ռեսուրսը դպրոցներում ու մանկապարտեզներում (114 ձայնագրություններ)» աղմկահարույց նյութով:
Բոլոր հայցվորները պահանջում են հերքել հրապարակված տեղեկությունները և վճարել 2 միլիոն դրամի չափով բարոյական վնասի փոխհատուցում: Գումարային առումով, 30 տնօրենները «Իրազեկ քաղաքացիների միավորումից» ու Դանիել Իոաննիսյանից պահանջում են (ներառյալ դատական ծախսերը) մոտ 65 միլիոն դրամ:
Բոլոր հայցադիմումները ներկայացված են Աջափնյակ և Դավթաշեն վարչական շրջանների ընդհանուր իրավասության դատարան, որտեղ և առաջիկա երկու շաբաթներում կայանալու են դատարանի առաջին նիստերը: Դատարանի հասցեն է Նազարբեկյան թաղամաս («17 թաղամաս») 40:
Հաշվի առնելով գործի նկատմամբ հանրային հետաքրքրությունը՝ հայտնում ենք, որ նիստերը դռնբաց են և ներկայացնում ենք դատական նիստերի ժամանակացույցը.
30 տնօրենների՝ «Իրազեկ քաղաքացիների միավորման» դեմ դատերի ժամանակացույցը
30 տնօրենների՝ «Իրազեկ քաղաքացիների միավորման» դեմ դատերի ժամանակացույցը
«Իրազեկ քաղաքացիների միավորում»