«Նաիրիտ» գործարանի նախկին աշխատակիցներն այսօր կրկին բողոքի ցույց են արել կառավարության շենքի դիմաց։ Սնանկության գործընթացին զուգահեռ նոր աշխատակիցներ են կրճատվում։ «Ներդրման դեպքում հնարավոր է վերագործարկումը։ Մեր քիմիայի մասնագետները կարող են ներկայացնել արտադրամասերի վիճակը, ասել, թե ինչպես են դա պատկերացնում, բայց գործադիրի անդամները չեն լսում մեզ, իսկ սնանկության կառավարիչն իր գործը լավ է կատարում՝ քանդում է, վաճառքի հանում, վաղն էլ կարող է ոչ պետքականի հետ պետքականը հանել։ Չի կարելի ամեն ինչ քանդել ու ոտնատակ տալ։ Մինչև էսօր բացված չէ նույնիսկ փաթեթը ու չեն հրավիրվել 2 ներդրողները»,- ասում են նրանք։