Իրադարձություններ

«Սասնա ծռեր» խմբի 18 անդամների գործով դատական նիստն այսօր՝ հուլիսի 13-ին, Երևանի Ավան և Նոր Նորք վարչական շրջանների ընդհանուր իրավասության դատարանում չմեկնարկած՝ ընդմիջվեց: Դատավոր Արտուշ Գաբրիելյանը գալով նիստերի դահլիճ` հայտարարեց, որ բոլոր ամբաստանյալները դատարան դեռ չեն բերվել, և այն 15 րոպեով ընդմիջվում է:
     Փաստաբան Լուսինե Սահակյանն «Ազատության» հետ զրույցում ասաց. «Դատարանը գալիս է դատական նիստին հստակ մշակված պլանով: Եվ իր պլանից ցանկացած շեղում իր համար անընդունելի է: Ըստ իրենց, այսօր ցանկանում էր պարզել ամբաստանյալների անձը, բայց ինչպես պետք է պարզել, եթե անբաստանյալները չեն գտնվում դատարանի դահլիճում: Դատարանն այն աստիճան խառնված վիճակում էր, որ չէր կարողանում պարզել՝ ես պաշտպան եմ, թե ամբաստանյալ»: