Մամուլում ու համացանցում մի քանի օր է՝ քննարկվում է Երևանի քաղաքապետի, նրա տեղակալների, օգնականների ու խորհրդականների
աշխատավարձերի թեման: Նշվում է, որ Տարոն Մարգարյանի ամսական աշխատավարձը 575 հազար դրամ է, իսկ Կամո Արեյանինը՝ 478 հազար դրամ, մյուս 3 տեղակալներինը՝ 443 հազար դրամ: Քաղաքապետն ունի 8 խորհրդական. նրանցից գլխավորը ստանում է 370 հազար դրամ աշխատավարձ, մյուսները՝ 358: Բացի 8 խորհրդականներից, քաղաքապետը մեկ խորհրդական-գլխավոր դիզայներ ունի՝ կրկին 358 հազար դրամ աշխատավարձով: Կարճ ասած՝ 9 խորհրդական ունի Տարոն Մարգարյանը և 5 օգնական՝ 298 հազար դրամ աշխատավարձով:
Որքան աշխատավարձ են ստանում Տարոն Մարգարյանի խորհրդականներն ու օգնականները
Վերոնշյալ թեմայի շուրջ քննարկումները դեռ չէին ավարտվել, երբ մամուլը քաղաքապետարանի կայքէջից օրեր առաջ տեղեկացավ՝ աշխատանքային և ծառայողական պարտականությունները բարեխիղճ կատարելու համար՝ Երևանի քաղաքապետարանի տրանսպորտի վարչության աշխատակիցներին
միանվագ դրամական պարգևատրմամբ խրախուսելու կարգադրության մասին: Այլ կերպ ասած՝ վարչության պետ Հենրիկ Նավասարդյանին և ևս 6 աշխատակիցներից յուրաքանյուրին՝ պարգևատրելով 100 հազար դրամով, ընդհանուր պարգևատման համար Երևան քաղաքի բյուջեից տրամադրվել է 700 հազար դրամ։
Տրանսպորտի վարչության աշխատակիցներին միանվագ դրամական պարգևատրմամբ խրախուսելու մասին կարգադրությունը