Կառավարության նիստի ավարտից հետո Արդարադատության նախարար Դավիթ Հարությունյանն անդրադառնալով Հայաստանում ԵՄ պատվիրակության ղեկավար, դեսպան Պյոտր Սվիտալսկիի՝ «Ընտրական զարգացումները Հայաստանում. քաղված դասերը և հետագա քայլերը» թեմայով համաժողովում արված հայտարարությանը, թե Կենտրոնական ընտրական հանձնաժողովի կազը պետք է փոխվի և այն ավելի արժանահավատ պետք է դարձնել, Հարությունյանն ասել է. «Կազմը պետք է փոխվի, թե ոչ՝ երկրի ներքին խնդիրն է: եթե պարոն Սվիտալսկին նման հայտարարությամբ հանդես է եկել, այն համարում եմ անթույլատրելի՝ անկախ նրանից, դա արվում է բարի, թե այլ նպատակներով»,- ասել է Հարությունյանը` հավելելով, որ ՀՀ ընտրական համակարգի վերաբերյալ դեսպանն իր դիրքորոշումը չպետք է հայտնի: Արդարադատության նախարարն անդրադառնալով կոռուպցիայի դեմ պայքարին ասել է, որ այդ պայքարը պետք է այնպիսին լինի, որ կոռուպցիայի հիմքեր չլինեն, իսկ եղած դեպքերն էլ բացահայտվեն և մեղավորները պատժվեն: «Ապօրինի հարստացումը կանխելու նպատակով քայլեր են ձեռնարկվում, ինչպես նաև կանխարգելիչ գործողություններ են իրականացվում»,- ասել է Հարությունյանը: