«Հունիսի 12-ին Երևանի հորդառատ անձրևի մասով պետք է ասեմ, որ քաղաքում 1 ժամում տեղացել է 13-14 մմ անձրև, ընդ որում, այդ քանակության մեծ մասը թափվել է 10-15 րոպեում։ Նաև ուզում եմ նշել, որ 13-14 մմ անձրևը կազմում է Երևանում հունիս ամսվա տեղումների բազմամյա միջին ամսական քանակի մոտ 50%-ը»,- ֆեյսբուքյան իր էջում գրել է Գագիկ Սուրենյանը՝ տեղեկացնելով, որ հունիսի 14-ի երեկոյան հաջորդ ակտիվ ցիկլոնն է
մոտենում Հայաստանին, որը շրջանների զգալի մասում կուղեկցվի անձրևով, առանձին հատվածներում՝ կարկտով և քամու ուժգնացմամբ։
Հիշեցնենք՝ երեկ երեկոյան ուժեղ կարկուտ ու ջրհեղեղ է տեղացել հանրապետությունում։ Համացանցում տարածվել են Լենինգրադյան փողոցի, Մաշտոցի պողոտայի լուսանկարներն ու տեսանյութը, որտեղ երևում է՝ ինչպես են մեքենաները կիսով չափ հայտնվել ջրի մեջ։